A A

Umgeving

Duur de centrale stie is B&B Sagenlaand ’n good peunt um te beginnen met ne waandel, fiets- of autotocht langs schiere hoaltwallen, oeroale heetvealden en glooiende vlakten. De routes goat langs gemeudlijke en leavendige städkes en doarpen. Op 15 kilometer lig Oatmöske, ’n städke woar keunst en cultuur in alle heuk is te veenden. Wieder bint der oale boerderiejen, (water)möllens en natuurreservaten. In de umgeving van B&B Sagenlaand kö’j ok allerhaand sagenlaandroutes doon.
Vanoet B&B Sagenlaand bint oonze noabers an de aandere kaant van de greans dichtbiej. Op nog gin 15 kilometer lig Duutslaand, met völ oongerepte natuur en oale steden as Bad Bentheim, Osnabrück en Münster, dee ’t bekieken weard bint.

Vuur waandelleefhebbers van lange ofstaanden! B&B Sagenlaand lig an ’t begin van de route van ’t Twentepad. ’t Twentepad is ne rondwaandeling van 87 kilometer duur Noord-Oost Twente. Ok vuur oonze gasten, dee ne korte waandeling maken wilt hebt wiej biejzundere waandelroutes, dee past.