Welkom biej B&B Sagenlaand

Goodgoan

Ieder meanske is der mangs an too um der efkes tuskenoet te goan. ’n Stuk of wat daag in ne röstige umgeving, woar a’j volop könt preuven van al ’t moois dat ’t leaven gif. Lekker fietsen of waandeln in ’n natuur, noar muziek luustern, ’n moal wear ’n spannend book leazen, lekker etten…

Iej komt gastvrieje leu teagen, kriegt nen vreendelijken goeiendag, gewoon op stroat of biej ne waandeling duur ’t schiere coulissenlaandschap. Iej komt te wetten van spannende verhalen van vroger, mythen en sagen.

B&B Sagenlaand lig in Noordoost-Twente, tuske karakteristieke heetvealden, bos en wearen, net boeten ’t kearkdoarp Harbrinkhook. Hier goat de Sagen en Legenden al hunderden joaren laank roond. Nich vuur niks het dizze strek Twentelaand-Sagenlaand.

B&B Sagenlaand neumt zich met recht ne biejzundere stie, woar a’j in de sfeer van eeuwenoale Sagen en earlikke ‘Twentse gastvriejheed’ könt genieten van ’n verblief um nooit te vergetten.

Wiej zeet oe mear dan gearn kommen!

Kom hier alvast moal bie ons in’t huus kieken!

Goos van de Beek,

oe gastgewwer